KAALAMAN TUNGKOL SA KALAMANSI BILANG HALAMANG GAMOT
Ang kalamansi ay isang maliit na puno na may maliliit na mga dahon, puti at mahalimuyak na bulaklak. Ang berde at bilog nitong bunga ay karaniwan at kilalang-kilalang sangkap at pampalasa sa maraming pagkain, sawsawan, at inumin. Ito ay orhinal na nagmula sa Pilipinas.

ANO ANG MGA SUSTANSYA AT KEMIKAL NA MAAARING MAKUHA SA KALAMANSI?

Ang iba’t ibang bahagi ng halamang kalamansi ay maaaring makuhanan ng maraming uri ng kemikal at sustansya na maaaring may benepisyo sa kalusugan:
Ang balat ng kalamansi ay may taglay na aldehydes, sesquiterpenes, beta-pinene, linalool, linelyl acetate, tannin, glucoside, at cyanogenetic substances. Mayaman din sa Vitamin C ang katas ng bunga.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:
1. Bunga. Ang bunga ng kalamansi ay karaniwang kinakatasan upang makagawa ng inumin na mabisa para sa ilang kondisyon sa katawan. Maaari ding ipampahid sa balat ang katas ng bunga.
2. Ugat. Karaniwan namang inilalaga ang ugat ng kalamansi upang magamit sa ilang kondisyon.
3. Dahon. Maaari ding ilaga ang dahon ng kalamansi upang mapakinabangan ng taong may sakit.


ANO ANG MGA SAKIT NA MAAARING MAGAMOT NG KALAMANSI?

1. Tagihawat. Maaaring hiwain lang ang kalamansi at direktang ipahid sa balat na apektado ng pagtatagihawat. Makatutulong ang matapang na katas ng kalamnsi sa pagpuksa ng mikrobyong nagdudulot ng tagihawat.
2. Pangingitim ng balat. Ang pangingitim naman sa balat ay maaari ding masolusyonan ng regular na pagpapahid ng hiniwang kalamansi bago matulog.
3. Ubo. Dapat inumin ang katas ng kalamansi na mayaman sa vitamin C upang matulungan ang sarili laban sa ubo.
4. Sipon. Ang sintomas ng sipon ay maaari ding matulungan ng pag-inom sa sa kalamansi juice na mula sa katas ng kalamansi.
5. Sore throat. Matutulungan din ng katas ng kalamansi na guminhawa ang pakiramdam ng taong dumaranas ng sore throat. Dapat lamang inumin ang katas ng kalamansi bilang kalamansi juice.
6. Altapresyon. Nakakababa naman daw ng altapresyon kung iinom ng pinaglagaan ng dahon ng kalamansi.
7. Pagkahimatay. Maaaring pirisin ang balat ng kalamansi sa tapat ng ilong ng taong hinimatay upang manumbalik ang malay-tao.
8. Bagong panganak. Ang pinaglagaan ng ugat ng kalamansi ay maaaring ipanghugas sa inang bagong silang pa lang.
9. PAMPALAKAS NG RESISTENSYA.
10. Gamitin bilang deodorant ng katawan
11. Maganda para sa mga diabetic
12. Nagpapababa ng blood cholesterol
13. Tulong sa mga may hang-over
14. Mainam sa may mga may fatty liver
15. Pinagagaling ang mga may karamdaman sa osteoporosis
16. Pampatibay ng buto.
17. Mainam na pang detox ng katawan
18. Nagpapa ganda ng kutis
19. Pampapayat



Disclaimer: Ang mga halamang gamot ay maaaring makatulong sa iba’t ibang mga karamdaman. Subalit marami dito ay wala pang sapat na pag-aaral at wala pang kasiguraduhan. Hindi makapagbibigay ng katiyakan na ang mga ito ay epektibo sapagkat ang epekto ng mga halamang gamot ay maaaring gumana sa ilan, ngunit sa iba ay maaaring hindi naman gumana. Gaya ng ibang gamot, mahalagang isangguni ang pag-inom ng mga halamang gamot sa inyong doktor.

Source: kalusugan.ph