SAMPUNG HALAMANG GAMOT AYON SA DOH

Noong 2003, naglabas ang Department of Health o DOH ng listahan ng sampung (10) na halamang gamot na nirerekomenda nito para gamitin ng mga tao sa iba’t ibang uri ng sakit bilang home remedy.

1. LAGUNDI (Scientific name: Vitex negundo) – Gamot sa ubo, sipon, lagnat, at hika.

2. YERBA BUENA (Scientific name: Clinopodium douglasii)· – Gamot sa pananakit ng katawan, ubo, sipon, hilo, at pangangati.

3. SAMBONG (Scientific name: Blumea balsamifera) – Gamot sa high blood (hypertension) bilang isang pampaihi o diuretic; nakakalusaw ng mga bato sa bato.

4. TSAANG GUBAT (Scientific name: Carmona retusa) – Gamot sa sakit ng tiyan o pagtatae (gastroenteritis) at pangmumog para maiwasan ang mga cavites o pamumulok ng ngipin.

5. NIYOG-NIYOGAN (Scientific name: Quiscalis indica) – Gamot sa bulate sa tiyan.

6. AKAPULKO (Scientific name:· Cassia alata) – Panlaban sa mga fungal infection sa balat gaya ng an-an, buni, alipunga.

7. ULASIMANG-BATO O PANSIT-PANSITAN (Scientific name: Peperonia pellucida) – Ginhawa sa rayuma o arthritis at gout

8. BAWANG (Scientific name: Alium sativum) – Pampababa ng kolesterol (cholesterol-lowering agent)

9 AMPALAYA (Scientific name: Momordica charantia) – Pampababa ng asukal sa dugo sa mga may diabetes (Lowers blood sugar levels)

10. BAYABAS (Scientific name: Psidium guajava) – Gamot sa pagtatae (antidiarrheal) at panghugas ng katawan na nakakaalis ng mikrobyo (antiseptic).
Dahil sa potensyal ng mga ito na mag-gamot at magbigay ginhawa sa mga nabanggit na karamdaman, isang magandang hakbang ang pagtatanim ng mga ito sa ating mga bakuran upang makatipid at magkaroon ng mga lunas o remedy na madaling kuhanin. Ngunit dapat tandaan na ang mga halamang gamot na ito, bagamat sila’y maaaring magbigay ginawa at makapanggamot, ay hindi dapat ihalili sa mga gamot na nireseta ng doktor kung kinakailangan. Kung ikaw ay may kondisyon ng maaaring matulungan ng mga halamang gamot gaya ng diabetes (ampalaya) at high blood (bawang) makipagugnayan sa iyong doktor kung maaari ba at paano gamitin ang mga halamang gamot na ito.

Source: halamanggamot.ph